Ambo Ghaso…

Tok tau bakpo tetibo ghaso supo nok kecek kelate haghi nih. Takpo la dih sekali skalo. Kalu ado sapo² hok tok pehe tu buak² pehe jah lah. Dok pong gi lah tanyo sesapo hok tau. Kalu sero payoh sangak gak tanyo jah sinih. Kito buleh tulong jawak. Ko guano adik kakok sekalie? Tidok ado masaloh dok? Haghi ni ambo tadop nok cito gegapo. Mugo tulih ni pong beley² nok mengaruk koksey jah. Puah² duk sajo kito nulih kok bahaso kito etek ko guano. Nok gi bedeghak pong tadop muto. Keto apotah lagi. Nok naik keto api nok keno jale jauh nok gi steseng nuh. Jadi kesudahe nyo duk dumoh jah lah. Ni nok ghoyak bui nyo maghin abe mat keno maghoh ko boh. Yak boktey… malu mbey segho. Begho segho muko lepah keno tego ko boh. Tok kkato gapo abe mat. Senyak dig pah pado tuh. Buke gapo, boh maghoh boktey dio napok abe mat duk maing internet sokmo. Duk klik pah klik pah tapi kijo tok sudoh². Buke dio lagu tuh. Bekalih dio napok lamo doh tapi malah nok tego. Haghi ni supo tok leh nok ork doh kalih, sekali nyo bui atah muko abe mat. Keno abe mat haghi nih. Pade muko. Jadi, kesimpule nyo nok ghoyak bui sinih, jange duk maing internet kalu boh ado duk blake. Key tok pasa² keno. Kantoi free². Haghi nih gi opih tok beghaning doh la abe mat nok bukok nyoh. Key keno tego pulok buke dio. Nyo kato ko boh tok gheti bahaso nate budok nih. Tok pasa dio maghi bleping atah dahi.

Poso pong koho² nok abih doh. Sedih pulok segho. Sbeta jah segho. Segho supo baghu sminggu poso pah nok abih doh. Tokdey nok ngisah lagih hehe. Eh, tapi sungguh ni ghoyak, meme sedih gilo weh. Segho supo smeta do’oh. Tambohe pulok lonih ambo duk tengoh denga lagu ghayo. Teringak weh ko ghumoh nuh. Segho nok teghiok pong ado nih. Adu la weh. Tapi gak nok wak gano dok. Pasa dio doh mugo duk beso ghayo ghama² tetibo keno ghayo alah koknih. Kesik molep segho. Duk ingak nati ghayo nih nok gi ghayo Malaysia Hall nuh. Ghama skik ghakyak Malaysia. Tadop la segho sunyi sangak. Ni gak duk bejeghik soghe dale bilik buke dio weh. Oghe panggey tubek tokse. Pah, tetibo tubek bilik paka spek mato hite. Oghe tanyo bakpo? Mato bekok boktey duk teghiok waa waa dale bilik. Malu koksey besa bulu duk jeghik lagih. Tapi kalu dey sedih gak nok wak ghano lagi dih? Kalu demo pong jeghik ambo ghaso. Tok nati ko ambo soghe. Kalu hok jenih begheng tu tok tau la. Atah oghe jugok kalih. Tapi ambo nih jenih lembek skik kalu bab² prasa’e nih. Mudoh emotional oghe kato… yakkk boktey! Jange saloh pehe pulok deh. Buke auw ko gapo, cumo kalu mace pisoh lamo tu segho teghingak ko mok ayoh, adik beghadik, sdagho magho , saing². Mugo ambo nih jenih homesick doh tu gak. Tok leh nok wak gapo la.

Nih buke gapo nih. Selinge smeta hehe. Sajo la nok menyoho camera baghu. Key haghi tu ambo ado ghoyak ambo beli camera baghu. Nih la dio ghupo nyo kalu hok mano hok segho nok kelih bedo’oh tuh. Mugo kalu tunjuk camera sajo tok sedak pulok. Keno la tunjuk skali nga tue dio baghu comey, ko guano? Hehe. Sedak sungguh eh camera nih. Tobak eh. Tok blawok lasung! Segho po nok make. Tapi tetibo awo paka Canon ni teghingak pulok ko Nikon. Yakkk! Buke gapo, sebak dulu meme stak nga Nikon keh. Jadi, duk beso lamo doh nga Nikon pah tetibo paka Canon ni jadi sero laing la skik. Tapi boktey camera nih sedak do’oh, jadi segho lego skik hehe. Tok nyesa beli. Botok palo abe mat bule nih. Takpo lah demi menate gonih, abe mat sanggup. Payoh weh dey gilo mugo gonih. Baghe pulok maha² sajo. Kalu mughoh supo coklak go speseng duo tu takpo lah. Banyok doh segho duk bobey nih. Baju kijo tok begosok lagih. Nok tunggu sahur pong lamo lagih. Nok make slaluh key awa bedo’oh. Kalu tido key takuk tok bangung pulok. Pah, guano gamok tuh? Acu ghoyak. Make slaluh lah seney. Tok payoh nok bangung doh kare. Sene baso. Ko guano adik kakok.

Love,

Faris